У Барысаве скралі фірмовы парасон “Кока-кола”

Адпачыць у зацішным мястэчку пад парасонам з яркім лагатыпам “Кока-кола” захацеў нейкі барысаўчанін. Уначы на пятніцу ён скраў эксклюзіўны парасон з пляцоўкі перад універмагам “Веста”, каб, відавочна, атрымаць асалоду не толькі самім напоем, але і яго рэкламным атрыбутам, паведамляе “Электронны Барысаў”.

Па факце крадзяжу заведзеная крымінальная справа. Кошт рэкламнага парасону складае больш за мільён рублёў.