Невыязных чыноўнікаў з Мінску не запросяць ва Усходняе партнёрства
Віленскі саміт Усходняга партнёрства пройдзе без прадстаўнікоў Беларусі, унесеных у "чорны спіс" Еўрасаюза.
Пра гэта заявіла дарадца прэзідэнта па замежных справах Ёвіта Нелюпшэне. Саміт павінен адбыцца сёлета ў лістападзе.
Па яе словах, якія перадае delfi.lt, Усходняе партнёрства створана для таго, каб супрацоўнічалі ўрады, аднак на сустрэчу не будуць запрашацца людзі, на якіх распаўсюджваюцца абмежаванні.
Нагадаем, што за парушэнні правоў чалавека Еўрасаюз унёс у спіс неўязных каля 250 беларускіх чыноўнікаў.
Фота — cash-lefilm.com
