Іспанія абвясціла рэферэндум у Каталоніі неканстытуцыйным
Канстытуцыйны суд Іспаніі прыняў рашэнне, што запланаваны на лістапад рэферэндум пра незалежнасць Каталоніі супярэчыць Асноўнаму закону краіны.
Паводле вердыкта суда, канстытуцыя Іспаніі забараняе рэгіёнам у аднабаковым парадку праводзіць рэферэндумы аб самавызначэнні, перадае ВВС.
Тым не менш, цяперашняе рашэнне канстытуцыйнага суда Іспаніі не ставіць канчатковую кропку ў пытанні аб рэферэндуме. Яно толькі загадвае праводзіць яго ў адпаведнасці з канстытуцыяй краіны.
Рэакцыі Каталоніі на рашэнне суда пакуль не было.
Фота — pn14.info
